[i5₇4] DE LA VILLE DE PARIS. 149

CCXL. — [Lettres de la part du Roy au Prevost des Marchans.]

Données le i" février 1574. (Fol. 34i r°.)

Monsieur, k J'ay receu de ce porteur les deux pacquetz dont l'aviez chargé I¹', lesquelz jen'aypeu fere veoir pour ce jour au Roy, tant pour ce que le Roy avoit desjà veu ses dépêches, et estoit le Conseil du matin hors de sa chambre quand ced. porteur m'a baillé lesdictz pacquetz;aussy que led. Sieur Roy s'est trouvé ung peu.indisposé, mais ce n'est, graces à Dieu, rien. Et espere que demain il verra voz lettres; et vous en envoiray la response incontinent,'si elle y eschet. Il n'y a rien de pressé, à ce que j'ay veu par la lettre qu'il vous en a pleu m'escripre.

"Je me.recommande humblement à vostre bonne grace; priant Dieu vous donner, Monsieur, bonne, sainte et longue vye.

"De S' Germain en Laye, le premier jour de Febvrier 1576."

Ainsi signé :

"Vostre humble serviteur : Pinart".

Et au dos est escript :

A Monsieur Le Charron, Conseiller au Conseil f rivé du Roy, Prevost des Marchans de la Villé de Paris, et President en sa Court des Aydes de lad. Ville.

CCXLI. — [Lettres du Roy pour les

Données le 2 février

Monsieur le Prevost,

"Je suis adverty que l'on faict courir le bruict, en ma ville de Paris', que l'on doibt ceste nuict executer et fere une autre S'Barthelemy, de sorte qu'un chascun en est en alarme : et pour ce que telz bruictz sont seu-mez trés malicieusement, je desire que .l'on côgnoisse ceulx, qui les publient, affin de les faire chastier trés rigoureusement. Au moyen de quoy, je vous prie, d'autant que vous desirez vous acquiter de la charge que vous avez à mon contantement, d'user de telle recherche et dilligence que vous puissiez descouvrir d'où proceddent lesdictz bruictz, et qui sont ceulx qui les publient et font courir, pour m'en advertir.

"Aussi tost que vous aurez receu la presente, vous envoyrez querir tous les Cappitaines de laditte Ville ou les ferez assembler en l'Hostel d'icelle, et leur montrerez ceste Lettre, par laquelle je vous commande de leur dire qu'ilz se gardent bien de rien entreprendre ny souffrir qu'il soict entrepris ny faict en laditte ville, rien contre [mon]'²'intention : estant assurez que s'il se commet aucune chose, qu'ilz m'en respondront de leurs vies, et qu'il n'y a rien qui me puisse garder de les faire trés rigoureusement chastier.

"Vous manderez aussy les autres ausquelz vous estimerez estre besoing que vous parliez, et ferez

RRUICTZ D'UNE NOUVELLE S' BARTHELEMY.] 1574. (Fol. 341 v°.)

en sorte qu'il n'advienne aucun mal cn laditte ville; autrement je m'en prandrois à vous, car vous ayant donné [l'une]⁽²⁾ des principalles charges en maditte ville, vous ne pourrez vous excuser s'il y survenoit quelque inconvenient.

nJ'escriptz la semblable au Lieutenant civil, affin que de son costé il veille et s'efforce de des'couvrir les autheurs et la source de telz bruictz, et il en es-crive'³' au sieur de Thou, premier president en ma Court de Parlement, pour ce que j'estime qu'il partira au jour d'huy de laditte ville pour me venir trouver, ensuivant ce que luy ay mandé; sinon, s'il est encores par delà, vous luy communiquerez la presente affin qu'il vous ayde non seullement à descouvrir le faict, mais à y remedier selon qu'il sera de besoing.

"Je prie Dieu, Monsieur le Prevost, vous avoir en sa garde.

"De S' Germain en Laye, le deuxiesme jour de Febvrier 1574."

Ainsi signé : "CHARLES". Et plus bas : k de Neufville".

Et au doz est escript :

A Monsieur Le Charron, Prevost des Marchans de ma bonne Ville de Paris.

W On.ne trouve dans le Registre aucun renseignement sur la nature des -pacquetz--, non plus que sur la teneur des missives dont il est ici fait mention.

'-) Le Registre a ici un espace resté en blanc, lacune que nous comblons par le mot enfermé entre parenthèses. ^(3> Au Registre, par erreur : escrivant.